قبل أيام قليلة من إعلان جداول امتحانات الثانوية العامة 2024، طرحت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، منشور على صفحة أولياء الأمور على موقع التواصل الاجتماعي فيسبوك، لعرض مقترحاتهم حول مواعيد أيام المواد داخل جداول الامتحانات.
وتفاعل العديد من أولياء الأمور علي صفحة اتحاد أمهات مصر للنهوض بالتعليم، وائتلاف أولياء الأمور، في الفيسبوك، حيث قالت ولي أمر: “حابه أوضح إن بقالنا سنتين مفيش تكافؤ بين امتحان الألماني والفرنسي والإيطالي، دايما الألماني والايطالي يجي تقيل والفرنسي أسهل بكتير، ومراعاة جدول علمي رياضة بيبقي الأيام الفاصلة بين المواد مش كافيه”.
امتحانات الثانوية العامة 2024
وأضافت ولي أمر: “ياريت يكون في مدة كافية بين كل مادة والتانية لا تقل عن ٤ أو ٥ أيام تكفي لمراجعة المادة، المناهج كبيرة جدا ومحتاجة وقت للمراجعة خصوصا المواد العلمية، وياريت يراعو الامتحانات يكون معظمها للطالب المتوسط و٣٠% بس للطالب المتميز، مش العكس، زي ما حصل السنة اللي فاتت في الكيمياء والفيزيا والبايو، الإمتحان كله كان للطالب المتميز مش عارفة حظ علمي علوم ليه كده.. الطلبة علي قدها أوي مش عباقرة والله”.
وطالبت ولي أمر أخري: “نتمني كمان مراعاة الأسئلة ونوعها وتكون مباشره، يعني سيادة الوزير قال مفيش أسئله تعجزيه ولا اختيارات تكون شبه بعض، ويا ريت يا ريت الأساتذة الأفاضل اللي بيحطوا الامتحان يراعوا أن ده مستقبل أولاد وأولياء أمور بتتعب وتشفي وأنه هيساءل أمام الله يوم القيامة وربنا معاهم ويراضيهم إن شاء الله”.
امتحانات الثانوية العامة 2024 علمي رياضة
وأضافت ولي أمر أخري: “ياريت بين المواد تكون أيام كافيه للمراجعة ومدة الامتحان تزيد شويه عشان الولاد يلحقوا يحلوا الإمتحان بهدوء وبدون توتر، وتراعوا ربنا في تنوع الأسئلة بلاش أسئلة تعجيزية”.
“بخصوص علمى رياضة، مراعاة الفترة الزمنية للامتحان بما يناسب مع الأسئلة ومراعاة الفترة بين كل امتحان والآخر وربنا يوفقهم جميعا يارب”، تستكمل ولي أمر أخري: “ادأهم حاجه نتمني تتحقق إن دخول اللجنة والإجراءات الورقيه، الامضاء والتفتيش وكل الحاجات، ما تبقاش من وقت الامتحان يعني تتم من ٨ أو ٨ ونص مثلا، و٩ الطالب يستلم ورقة الأسئلة فقط ويبقي مخلص كل الإجراءات سابقا، ومدة وقت علمي رياضة نتمني يكون ٣ ساعات لمواد الماث، فترة كافيه بين المواد لعلمي رياضة”.
