أغنية رائعة خطفت قلبي تقول الأغنية
، روح انا روح
انا زيك في خوفي، وف وجعي كمان
لحم ودم بيصرخ .. بيدور علي الأمان
انا كلب شارع ياصاحبي اللي ملوش مكان
بمشي جنبك .. طمعان في لقمة
مش طالب غير حنان
الارض مش بتعتك وحدك
الكون ده للجميع
ربك خلقني أعيش جنبك
ليه تقتلني واضيع
انا روح زيك ياانسان
من حقي إني أعيش
مخلوق في الدنيا أشارك
في رحمة ميهمنيش
بتقولوا عليا متوحش “وبعض” وأخوف اطفال
اتمني تسأل في يوم إيه وصلني لدا الحال
لما قفلتها بيبان الرحمة
وشارع قاسي ومخيف
وجوع عاش في بطني
مفيش ولا حتي رغيف
الخوف علمنا الشراسة والظلم خلانا نصرخ
لو كنت مكاني في يوم كان قلبك يمكن رق
فاكر حكاية القطة زمان
اللي دخلت صحبتها النار
لا أكلتها ولا سابتها
دي الرحمة للقلب اختبار
ربك بيحاسب ع الروح اللي بتعاني في سكات
متكونش أنت سبب موتي، وتزودني اهات
تحية لمن وضع الكلمات ومن وضع اللحن ومن قام بالغناء فهي تجسيد للمعني الحقيقي للإنسانية والإيمان بجميع الأديان
تحية كبري ايضاً لمن يرحمون من في الارض لكي يرحمهم من في السماء
