وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، سؤالا لأولياء الأمور والطلاب حول تقييمهم وملاحظاتهم حول الامتحانات حتى الأن، بعد أداء طلاب الثانوية العامة 2023 لامتحانات المواد الغير مضافة للمجموع وهي التربية الدينية والوطنية والاقتصاد والإحصاء، وكذلك بدء امتحانات المواد المضافة للمجموع في اللغة العربية واللغة الأجنبية الثانية.
السؤال لقي تفاعل وتعليقات كثيرة من جانب أولياء الأمور وأبنائهم الطلاب على صفحة الاتحاد والائتلاف، في الفيسبوك، حيث قالت ولي أمر: “الوقت المهدور في كتابات البيانات على الشيت وورقة المقالي والتسجيل والبوكليت حوالي ربع أو تلت ساعة لكل طالب وخصوصا إن لازم يراجع الملاحظ ودا طبعا مهم لأن فعلا الطلبة بيكونوا متوترين وممكن ينسوا رقم أو حرف والملاحظ بيوجههم،
والحل زيادة وقت امتحان الثانوية العامة 2023 ربع أو تلت ساعة بعد الوقت المحدد، والتشديد على المراقبين عدم سحب الورق قبل الوقت ولو حتى بدقيقة لأن دا بردوا حصل من بعض المراقبين، نتمنى سرعة الاستجابة وخصوصا اللي جاي صعب َربنا يسترها يارب ويوفق ولادنا ويفتح عليهم ويكرمهم”.
ولي أمر أخري اقترحت “ممكن الولاد يستلموا البابل شيت الساعة 9 إلا ربع يكتبوا بياناتهم فى المقالي والاختيار المتعدد وبعدين يستلموا البوكلت الساعة 9 ده اقتراح”، وأضافت ولي أمر أخري: “ياريت يبقا في وقت بدل اللي بيضيع في كتابة البيانات على الأقل ربع ساعة، وياريت صوتنا يوصل خصوصا المواد اللي جاية محتاجة كل دقيقة فيها”.
الثانوية العامة 2023
وذكرت ولي أمر: “مشكلة الوقت مفيش وقت يراجعوا وكمان بيضيع وقت كتير في الإمضاءات والتظليل، نمكن يديهم وقت إضافي بدل الوقت المهدور ده كله”.
وفي سياق متصل، وجهت عبير أحمد، مؤسس إتحاد أمهات مصر للنهوض بالتعليم، وائتلاف أولياء الأمور، منشور آخر لأولياء الأمور، تضمن: “طمنونا عاملين ايه في مراجعة الكيمياء والجغرافيا لامتحانات الثانوية العامة 2023 وايه المصادر التي بتستعينوا بيها في المراجعة”.
وقال أولياء أمور الطلاب أن الكيمياء تحتاج لوقت كبير للمراجعة ويستعينوا بمراجعات وصفات الأساتذة المعروفين في الفيس بوك وقنوات اليوتيوب إضافة إلى ملازم الدروس المخلصة للمنهج.
