وجه المطرب أحمد جمال رسالة للطلاب في الجامعات والمدارس حول تأجيل الامتحانات، عبر حساباته الرسمية على مواقع التواصل الاجتماعي المختلفة، مناشدًا الطلاب بعدم تأجيل الامتحانات.
رسالة أحمد جمال للطلاب حول تأجيل الامتحانات:
وشارك المطرب أحمد جمال تجربته في تأجيل الامتحانات لإثناء الطلاب عن تأجيل الامتحانات، قائلاً: «عايز أقولكم أني في أيام الامتحانات مكنتش ببقى مذاكر المواد كلها وببقى عايز أأجل مادة أو اتنين في كل تيرم- بعذر صحي مثلًا- بس كان عندي صاحبي دفعتي طول الوقت بيقولي عمرك ما هتذاكر مادة كاملة لو أجلت ميت سنة أدخل امتحن في ميعادك، وأكيد كلنا في نفس الظروف وكنت ببقى واخد قرار التأجيل وأغير رأيي في آخر وقت بسبب كلامه وأدخل وامتحن وفي النهاية نجحت واتخرجت واكتشفت أنه كان على حق».
وختم جمال نصحيته، قائلًا: «أنت كمان متقولش أنا ضعت، شد على نفسك وذاكر حتى لو باقي ساعة على الامتحان وصدقني هتنجح وتعدي وهتضحك على الأيام دي لما تتخرج شجعتك مش كده!! يلا دوس جامد بقى يا بطل».
— Ahmed Gamal (@IdolAhmedGamal) February 21, 2021
