كشفت عبير أحمد، مؤسس اتحاد أمهات مصر للنهوض بالتعليم، وائتلاف أولياء أمور المدارس الخاصة، عن خططهم وطريقة تعاملهم مع أبنائهم بعد قرار استكمال الدراسة أون لاين وتأجيل الامتحانات لما بعد انتهاء إجازة نصف العام الدراسي.
وطرحت عبير، سؤالًا ونقاشًا مع أولياء الأمور من الأمهات علي صفحة اتحاد أمهات مصر، عبر موقع التواصل الاجتماعي فيسبوك، حول هذا الأمر، حيث تفاعلت العديد من الأمهات، وقالت إحدى أولياء الأمور: “أنا هخلي ابني كل يوم يحل امتحان لمادة، وكل يوم يراجع مادة”، وتابعت أخرى: “حقيقه احنا لسه مخلصناش المنهج ولسه بنذاكر وبنراجع علي اللي اخدناه وفي وقت طبعآ للعب والموبايل”.
وأضافت ولي أمر أخرى، عبر جروب اتحاد أمهات مصر للنهوض بالتعليم: “متابعة البرامج التعليمية على قناه مدرستنا، بفكر أشوف المنصات وتدريبات ومراجعة بهدوء من غير استعجال”، واستكملت أخرى: “المدرسة هتبدأ معانا من اليوم أون لاين فى نفس الميعاد من الساعة 8 إلى الساعة 2، بعد كدة هناخد وقت للراحة إذا أراد ربنا ونحاول نشوف أخد أيه ونحل عليه أو نراجع على حسب، بس ربنا يهدى الأولاد لأنهم للأسف مقتنعين أنهم فى إجازة ومسيطرة الفكرة عليهم”.
وذكرى ولي أمر: “هما طبعا متعبين جدًا لأن مافيش نوادي ولا مدارس لكن كله يهون مادام فى حضننا، بنحاول نذاكر تاره ونلعب تاره وبعد صدور القرارات الأخيرة الضغط أصبح أقل على الولاد فى المذاكره لسه فى وقت يعملوا كل حاجه بنحاول نشجعهم يرسموا يتعلموا لغه جديده وأوقات طبعًا بنحاول نقنعهم مايتخنقوش مع بعض”.
وقالت إحدى أولياء الأمور: “نخلص المناهج الأول لسه فاضل على الأقل درسين في كل ماده دا بالنسبه للإعدادية ونراجع على فات”، تضيف ولي أمر أخرى: “كل يومين هنراجع مادتين ونحل أسئلتهم عشان بنتى متنساش المنهج لأن حرام نوقف مذاكرة خالص هاينسوا كل المنهج اللى طلع عينينا فى مذاكرته وخلاص كنا امتحنا العملي وداخلين على النظري ونخلص وبعد كده هناخدلنا أسبوعين إجازة نريح ونرجع نراجع تاني لأن أعتقد بنسبه 90٪ مفيش امتحانات بعد يوم 20 فبراير لأن الحالات في زيادة فمينفعش نوقف مذاكره ونضيع تعب الترم على الفاضي وربنا يقوينا”.
وقالت ولي أمر: “وقفت الدروس وبدأت تحفيظ قرآن لمدة أسبوعين مع متابعة لو أمكن قنوات التعليم دون إجهادهم، صراحة إحنا خلصنا المنهج وذاكرنا كويس الحمد لله، لما يقرروا الرجوع إلى المدارس نبقي نراجع ونستذكر، أنا مش هضغط عليهم صراحة عملوا اللي عليهم حبايبي”.
وكان مجلس الوزراء برئاسة الدكتور مصطفى مدبولي، وافق الخميس الماضي على المقترح الذي تقدمت به كل من وزارتي التعليم العالي والبحث العلمي، والتربية والتعليم والتعليم الفني، باستكمال تدريس المناهج الدراسية اعتبارًا من السبت المقبل، وحتى نهاية الفصل الدراسي الأول للعام الدراسي ٢٠٢٠ / ٢٠٢١ بنظام التعليم عن بعد.
