وجهت عبير أحمد، مؤسس اتحاد أمهات مصر للنهوض بالتعليم، سؤالا لأولياء الأمور عن: “يا تري ايه شكل ومواصفات إمتحان الثانوية العامة اللي بتتمني ابنك يمتحنه؟”. وانهالت مئات التعليقات من جانب أولياء الأمور من الأمهات.
وقالت ولي أمر: “تكون الأسئلة واضحة ومن المنهج ويكون الإجابة واحدة والمدرسين متفقين عليها ويبعدوا السنة دى عن ظلم الأولاد لأنهم مظلومين بالفعل سنة طويلة جدا وكورونا وإحنا كمان سنة كاملة مشدودين، ياريت اللى بيحطوا الإمتحانات يعتبروهم ولادهم لو اعتبروهم ولادهم يبقا كده احنا نطمن لأن مفيش حد بيضر ولاده وربنا معاهم يارب يفرحهم ويفرحنا جميعا يارب”.
وأضافت ولي أمر أخري: “لابد أن يكون الإمتحان موحد وأسئلة لا تحتمل أكثر من إجابة لأن المدرسين بيتلخبطوا فى الإجابة فما حال الطالب أيضا؟، بلاش الأسئلة التعجيزية وأطالب الوزارة بطبع نماذج استرشادية بنفس طريق وضع الإمتحان، الدفعة دى فقدت الثقة فى نفسها ومظلومة فى ظل كورونا، كما اننى أطالب بحزف أجزاء من المنهج أسوة بالعام السابق”.
وتابعت أخري: “إمتحان يكون من المنهج ومباشر موحد، التصحيح يكون عادل، الدرجات متظهرش في نهاية كل مادة عشان نفسيه الأولاد وبعدين يتعمل تنسيق قبل التحسين مش بعده”. وذكرت أخري: “بتمنى الإمتحان يكون على مستوى التحصيل من الدراسة الأون لاين، ومراعاة إصابة معظم الأسر بالكوفيد”، واضافت أخري: “عايزين إمتحانات معقوله وليست تعجيزيه بدون حرقه دم لهم”.
“الإمتحان يكون موحد ومن المنهج والإجابة تكون واحدة والمدرسين متفقين عليها مش من كوكب آخر”، تقول ولي أمر أخري: “امتحان موحد علي مستوي الجمهورية، مفيهوش أي تعجيز أو استعراض عضلات ولكن من الممكن أن يكون في ميزه وأخري متوسطه وأخري بسيطة”، واستكملت أخري: “ياريت يكون إمتحان مباشر يعنى ماتعاملوش أولادنا على أنهم عباقرة لأننا واثقين من مستوى ذكاء ولادنا لكن مرعوبين من نظام الإمتحانات الجديد”. وختمت ولي أمر أخرى: “يكون سهل ومن المنهج وفي مستوي الطالب المتوسط، ولكن يوجد سؤال للمتفوقين مع مراعاه الظروف التي تمربها البلاد”.
